BUDI PEKERTI ENGKANG LUHUR

BUDI PEKERTI ENGKANG LUHUR

Bapak Kepala Sekolah engkang kula hormati,

Poro Bapak lan ibu guru engkang kula hormati,

Konco-konco engkang sanget kula tresnani,

Assalamu’alaikum warohmatullahi wabarokatuh,

Sakderenge kula matur, mangga kitha sami-sami munjuk raos syukur wonten ngarsanipun Allah Subkhanahu wa Ta’ala. Amergi ing wekdal punika kitha tasih saged ngraosaken endahing Iman lan Islam. Kaping kalih ipun shalawat soho salam mugi tansah kalimpahaken dumateng junjungan kito nabi Muhammad solallahu alaihi wasalam ingkang sampun nedah aken kito margi engkang leres.

Para sederek sedoyo enkang kula hormati,

Dalem bungah sanget wonten wekdal meniko, amargi kitha sami saged ngangsu kawruh babakan budi pekerti engkang luhur. Agami Islam mrehatosaken sanget babakan budi pekerti ingkang luhur. Kanjeng nabi Muhammad solallahu alaihi wasalam kautus wonten ing alam dunya supados nyampurnaaken budi pekerti.

Kasebat woten kitab suci Alqur’an:

Wainnaka la’alaa khuluqin adziim.

Ingkang artosipun mekaten: saktemene jroning tindak tanduk rosululoh niku wonten budi pekerti engkang luhur.

Para sederek sedoyo engkang kula hormati,

Dados sampun ngertos, bilih tiyang Islam kedah nggadahi budi pekerti ingkang luhur. Budi pekerti ingkang luhur inggih punika sedaya tindak tanduk ingkang sae. Ingkang natrapi paugeranipun agami Islam.

Saagunging para rawuh engkang kula hormati,

Salah satunggaling printah budi pekerti ingkang luhur inggih punika kitha kedah nggadahi andap asor dumateng tiyang ingkang langkung sepuh. Umpaminipun unggah-ungguh murid kaliyan Bapak soho Ibu guru. Ugi unggah-ungguh dumateng tiyang sepuh kekalih, para tangga, lan sedoyo tiyang sanes. Mboten kesupen kaliyan poro konco.

Menawi kitha saget mbiasakaken budi pekerti ingkang luhur wonten sedaya panggenan, kitha saget gesang guyup rukun.

Para sederek ingkang kula tresnani,

Kawula kinten cekap semanten.

Matur nuwun sanget wekdalipun.

Wassalamu’alaikum warohmatullahi wabarokatuh.

Assalamu’alaikum Wr. Wb.

Bapak Kepala Sekolah engkang kula hormati,

Poro Bapak lan ibu guru engkang kula hormati,

Konco-konco engkang sanget kula tresnani,

Puja-puji syukur alhamdulillah mugi kunjuk ing ngarsaning Gusti Allah SWT. ingkang sampun paring berkah saha hidayah dhumateng kita, bilih ing dalu punika kula panjenengan sami saged niakempal wonten ing…………, kangge angrengengaken dinten ageng umat Islam dinten Iedul Adha utawi idhul kurban.

Bapak-bapak, Ibu-ibu saha sadherek-sadherek kaum muslimin wal muslimat, dinten ari raya idhul kurban punika mengeti kanjeng Nabi Ismail as. dipun sembelih tiyang sepuhipun inggih punika kanjeng Nabi Ibrahim as. minangka pangujining Allah SWT. dhumateng kanjeng Nabi Ibrahim as. kaliyan putranipun Ismail. Kados pundi ketakwaan saha sih katresnanipun kanjeng nabi dhumateng Allah SWT Awrat pundi tresnanipun dhumateng pangeranipun |punapa awrat tresnanipun dhumateng putranipun. Kanjeng Nabi Ibrahim mbutekaken bilih tresnanipun dhumateng Gusti Allah SWT langkung aageng tinimbang tresnanipun dhumateng ingkang putranipun Ismail. Pramila kanthis ikhlas nabi Ibrahim as. rila ngurbanaken putranipun. Kanthi kekuasaanipun Allah SWT. pramila Isamil dipun gantos satunggaling menda domba.

Saking kedadosan punika kita saged mendet hikmahipun.

Hikmahipun, kita manungsa kedah ikhlas ngurbanaken banda sahaya ingkang dipun kersakaken Allah Swt.

Kados pundi riwayat saha kedadosanipun ngengingi kanjeng nabi Ibarahim dalah putranipun, ing samangke saged dipun midhangetaken aturipun ……….ing adicara candakipun.

Wasana atur ambuka saking kula mboten perlu kula panjangaken. Cekap samanten kemawon atur kula, akhirulkalam bilahit taufik wal hidayah

Wassalamu’alaikum Wr. Wb.